پہلی محبت، آخری چاہت

کیسا اچھا ہے احساس میرا، تیری پہلی محبت ہونا

کیسی اذیت ہے یہ۔۔۔!!!!!، میری آخری چاہت تُو ہے

ساحرمرزا

کیسا پُرلطف حسیں و خوابناک احساس ہے پہلی محبت ۔۔۔۔۔

مگر اِک سوچ ہے،   بلکہ تجربہ ہے 

کہ یہ جو پہلی محبت ہوتی ہے نا.....!!!!! ، بہت خود غرض اور انا پرست ہوتی ہے، اس میں کہیں ناز و ادا کے ساتھ ساتھ غرور و گھمنڈ جھلکتا ہے، اس میں کبھی کبھی لاڈ اور ضد کے بہانے دلآزاری بھی دکھائی پڑتی ہے

کبھی اس میں نخروں کی آڑ میں تعلق سے بےزاری بھی ٹپکتی ہے 

اور کبھی تو بس یہ بوجھ لگتی ہے 

مگر

کیسا درد، اذیت اور کربناک لمحہ ہوا کرتا ہے جب کسی کی چاہت آخری محبت ثابت ہو 

لاحاصل، پُردرد، اذیت ناک، بے لاگ و بے تاب محبت

یہ آخری احساس ہوتا ہے جو تامرگ انسان کے ہمراہ ہوتا ہے 

یہ جو آخری محبت ہوتی ہے نا ۔۔۔۔۔!!!!!

یہ انسان کی نس نس میں، لمحہ لمحہ ہر پل ذات کا حصہ بن جایا کرتی ہے، انسان چاہ کر بھی اسے دور نہیں کر پاتا بلکہ اسے دور کیا کرنا یہ تو ہوتی ہی لاحاصل ہے، درحقیقت انسان اس سے دور جانے کی جس قدر کوشش کرتا ہے بھلانے کے زعم میں خود بخود بس اک یہی یاد رہ جاتی اور دنیا کی کوئی چیز ذہن پر نقش نہیں ہو پاتی 

اور بلآخر یہی انسان کی ذات بن جایا کرتی ہے 

خود اپنی فطرت وہ بھول جاتا ہے کیوں کہ محبوب کی عادات دہرا دُہرا کر خود وہی عادات و اطوار کو اوڑھ کر بدرجہءِ اصل وہی ہو جاتا ہے 

پہلی محبت کے بعد محبت ہو جاتی ہے 

آخری چاہت کے بعد انسان مارا جاتا ہے 

ساحر کے قلم سے

 اِک ہجر کے مارے ہجرتوں پر مجبور مسافر کے آنسوؤں سے لکھی تحریر

سفرِآگہی©