حال وی کوئی نہیں
نال وی کوئی نہیں
جس دے نال سی دُکھ سُکھ سانجھا
پوچھیا اس نے حال وی کوئی نہیں
ہے تے محرم میرے دل دا
ہر دم ایہو کہنی آں میں
پر کی دساں
کہ میرے دُکھ وچ
ہوندا میرے نال وی کوئی نہیں
ریجھاں خوشیاں نال جے آوے
دن سارے سُکھ نال لیاوے
میری جِند وچ دِسدا مینوں
ہووے اِک ہی سال وی کوئی نہیں
کہندے لوکی سفر حیاتی
عمل سارے نے راہ دا پانی
میں تے ساری عُمر ہَنڈا لئی
ہُن تے راہ دا مال وی کوئی نہیں
No comments:
Post a Comment